१. पृष्ठभूमि:
यस जलस्रोत तथा सिचाई विकास डिभिजन कार्यालय, काठमाण्डौं को स्थापना वि.सं. २०४५ सालमा नेपाल सरकारको विकेन्द्रीकरणको नीति अनुरुप साविक जिल्ला सिंचाइ कार्यालय काठमाण्डौं को नाममा भएको हो । तत्पश्चात् नेपाल सरकारको मिति २०५८/१२/२६ को निर्णयानुसार साविक जिल्ला सिंचाइ कार्यालय काठमाण्डौं खारेज गरी मध्यमाञ्चल सिंचाइ विकास डिभिजन नं. ६, काठमाण्डौं को स्थापना भएको हो जसको कार्यक्षेत्र काठमाण्डौं, ललितपुर र भक्तपुर जिल्ला रहेको थियो । त्यसैगरी नेपाल सरकारको मिति २०७२/०२/३१ को निर्णयानुसार साविक मध्यमाञ्चल सिंचाइ विकास सब डिभिजन नं. ६, काठमाण्डौं खारेज गरी सिचाइ विकास डिभिजन, काठमाण्डौं को रुपमा रहेको हो जसको कार्यक्षेत्र पनि काठमाण्डौं, ललितपुर र भक्तपुर जिल्ला रहेको थियो । मिति २०७२/०६/०३ मा नेपालको संविधान, २०७२ लागू भए पश्चात् नेपाल सरकारको मिति २०७५/०३/२० को स्वीकृत संगठन संरचना तथा नेपाल सरकारको (सचिवस्तर) मिति २०७५/०५/१० को निर्णयानुसार साविक सिचाइ विकास डिभिजन, काठमाण्डौं प्रादेशिक संरचना अनुरुप बागमती प्रदेश सरकार, भौतिक पूर्वाधार विकास मन्त्रालय अन्तर्गत रहने गरी जलस्रोत तथा सिचाई विकास डिभिजन कार्यालय, काठमाण्डौं को रुपमा स्थापना भएको छ जसको कार्यक्षेत्र काठमाण्डौं जिल्ला मात्र रहेको छ। बागमती प्रदेश सरकार (कार्य विभाजन) नियमावली २०७४ को मिति २०७८-०८-१५ को संसोधन अनुसार साविकको भौतिक पूर्वाधार बिकास मन्त्रालय अन्तर्गतको खानेपानी, उर्जा तथा सिंचाइ क्षेत्रलाई छुट्टै महत्व दिई खानेपानी, उर्जा तथा सिंचाइ मन्त्रालयको स्थापना भएपछि बागमती प्रदेश अन्तर्गतका तेह्र वटै जिल्लाहरुमा खानेपानी, उर्जा तथा सिंचाइ मन्त्रालय, बागमती प्रदेश मातहत रही जलस्रोत तथा सिचाई विकास डिभिजन सब डिभिजन कार्यालयहरु बाट उर्जा, सिंचाइ, जल उतपन्न प्रकोप व्यवस्थापन तथा ग्रामिण विद्युतीकरणको विकास सम्बन्धी अध्ययन, योजना तर्जुमा, स्वीकृति, योजना निर्माण, संचालन र मर्मत सम्भार लगायतका कार्यहरु हुने व्यवस्था गरिएको छ ।
२. दीर्घकालीन सोच:
सिचाईको लागि आवश्यक संरचनाहरुको निर्माण एवम व्यवस्थापन गरी कृषि उत्पादनमा वृद्धि गर्न सहयोग पुर्याउने, उर्जा प्रविधि तथा ग्रामिण विद्युतीकरणको विकास र जल उत्पन्न प्रकोपहरुको न्युनिकरण तथा रोकथाम गर्ने ।
३. उद्देश्य:
जिल्ला भित्रका विभिन्न सिचाई योजनाहरुको निर्माण तथा मर्मत सम्भार गरि सिचाई सुबिधा उपलब्ध गराउने, उर्जा प्रविधि तथा ग्रामिण विद्युतीकरणको विकास गरी उर्जामा पहुँच बृद्धि गराउने तथा नदि व्यवस्थापन, पहिरो व्यवस्थापन, वस्ती संरक्षण गरि जल उत्पन्न प्रकोपबाट हुने क्षेति न्यूनीकरण गर्न सहयोग पुर्याउने ।
४. रणनीति:
५. कार्यक्षेत्रः
काठमाण्डौं जिल्ला
© सर्वाधिकार सुरक्षित श्री जलस्रोत तथा सिंचाइ विकास डिभिजन कार्यालय, काठमाण्डौं
Powered By: ProActive Developers